BOLT YAZINDUA KIPENGELE CHA “FAMILY PROFILE” KURAHISISHA SAFARI ZA FAMILIA HADI WATU TISA KATIKA AKAUNTI MOJA

DAR ES SALAAM.

Kampuni ya usafiri wa mtandaoni ya Bolt imezindua rasmi kipengele kipya kiitwacho "Family Profile" nchini Tanzania, kikilenga kurahisisha upangaji wa safari kwa niaba ya hadi watu tisa kupitia akaunti moja tu. Kipengele hiki kimetokana na takwimu za kampuni zinazoonesha kuwa kati ya asilimia 2 hadi 6 ya safari za kila siku nchini huandaliwa kwa niaba ya watu wengine.

Huduma hii mpya inalenga familia, wazazi, walezi, au watu wanaowasaidia wazee, kwa kuwawezesha kupanga, kulipia na kusimamia safari hata kwa ndugu waliopo mikoani bila kuwa na app ya Bolt. Akaunti moja ya "Family Profile" inaruhusu kuweka kikomo cha matumizi, kupokea arifa za safari, na kufuatilia usalama wa safari zote.

Mmiliki wa akaunti anaweza pia kulipia kwa kutumia kadi ya benki, hivyo kuondoa usumbufu wa wanafamilia kujigharimia safari binafsi. Hata hivyo, kila mshiriki wa akaunti lazima awe na akaunti yake ya Bolt na umri usiopungua miaka 18, kwa mujibu wa sheria na sera za usalama.

Kwa mujibu wa Dimmy Kanyankole, Meneja Mkuu wa Bolt kwa Kenya na Tanzania, huduma hii ni hatua ya kuongeza usalama, uwazi, na utulivu wa akili kwa watumiaji:

> "Tunajivunia kuongeza kipengele hiki ambacho kinawawezesha wateja kuwapatia wapendwa wao usafiri wa uhakika na salama, huku tukidumisha udhibiti wa kifedha na matumizi ya kila siku."

Huduma hii itakuwa ya msaada mkubwa kwa wakazi wa Dar es Salaam, hususan wanaotaka kusaidia wazazi au jamaa waliopo mikoa kama Kilimanjaro, Mwanza, na Kahama, ambako huduma ya Bolt imeanza kupatikana.

Kwa hatua hii mpya, Bolt inaonesha dhamira yake ya kuendelea kuboreshwa kwa usalama, urahisi wa matumizi na ushirikishwaji wa teknolojia kwa jamii nzima ya Watanzania.

#bolt

#familyprofile

#bolttanzania

#usafiriwakisasa

#teknolojiyamaishani

#usalamausafiri

#digitalservices

#boltapp

#usalama

#usafiriwafamilia